Дар ноҳияи Рашт харитаи сайёҳӣ омода карда шуд

03

Бахшида ба Солҳои рушди деҳот, сайёҳӣ ва ҳунарҳои мардумӣ ва ҷалби бештари гардишгарон дар ноҳияи Рашт харитаи сайёҳӣ омода карда шуда, дар яке аз мавзеъҳои сайёҳӣ- даромадгоҳи ноҳия насб карда шуд.

Соли гузашта аз мавзеъҳои сайёҳии ноҳияи Рашт 2273 нафар сайёҳи дохилию хориҷӣ боздид намудаанд. Тавре аз мақомоти иҷроияи ҳокимияти давлатии ноҳияи Рашт ба хабарнигори АМИТ «Ховар» хабар доданд, барои ҷалби бештари сайёҳони хориҷӣ, пеш аз ҳама, зарур омад, ки мавзеъҳои сайёҳии ноҳия муаррифӣ шаванд.

Ҳамзамон 6 хатсайри сайёҳӣ, аз қабили «Душанбе-Рашт-дараҳои Ҷафр-Камароб», «Душанбе-Рашт-дараҳои Ҷафр-Ҳоит», «Рашт-дараҳои Камароб-Тагоба», «Рашт-дараи Ҷафр», «Рашт–Ҳоит» ва «Рашт–Шамар» ташкил карда шуданд. Инчунин барои амалӣ намудани хатсайрҳои таҳиягардида аз ҷониби бахши рушди сайёҳии ноҳия дар ҳамкорӣ бо ширкати сайёҳии «Ҷавоҳир – сайр» 26 нафар роҳбалад омода гардиданд.

Дар ноҳия бо мақсади рушди минбаъдаи ин соҳа ва муайян намудани имкониятҳои сайёҳӣ «Барномаи рушди сайёҳӣ дар ноҳияи Рашт барои солҳои 2018-2020» қабул гардида, таблиғи мавзеъҳои сайёҳӣ тавассути шабакаҳои телевизионӣ ва интернетӣ, махсусан шабакаҳои иҷтимоӣ ба таври васеъ ба роҳ монда шудааст

Имрӯзҳо дар ноҳияи Рашт 3 меҳмонхона, 2 ҳомстей, 1 гестҳавз (меҳмонхонаи хурд), 20 ошхонаю тарабхона, 2 осорхона, 2 боғи фарҳангӣ-фароғатӣ, 1 боғи ботаникӣ-фарҳангӣ, 7 нуқтаи хӯроки тезтайёр, 1 маркази итилоотӣ, 1 маркази ҳунармандию фурӯши армуғонҳои миллӣ ва 1 ширкати сайёҳӣ фаъолият доранд, ки дар рушди сайёҳӣ заминаи мусоид мегузоранд.


president
Эмомалӣ РаҳмонТоҷикистони биҳиштосои мо сарзамини мардуми соҳибмаърифату меҳмоннавоз ва кишвари меваҳои шаҳдбор буда, аз нигоҳи иқлим, боду ҳаво, манзараҳои табиат, кӯҳҳои осмонбӯс, пиряхҳои азим, обҳои шифобахш, кӯлҳо ва чашмаҳои оби мусаффо, ҳайвоноту наботот ва урфу анъанаҳои мардумӣ дар олам нотакрор ва макони беҳтарини сайру саёҳат мебошад.

Омори сомона

026771
Имрӯз
Дирӯз
Ҳафтаи равон
Ҳафтаи гузашта
Моҳи равон
Моҳи гузашта
Ҳамаи рӯзҳо
74
74
459
25495
3057
3581
26771